მოწოდება მოქმედებისკენ - ახალგაზრდებისა და ახალგაზრდა შემფასებლების ჩართულობა შეფასების პროცესში

​

ჩვენ, გლობალური შეფასების საზოგადოების წარმომადგენლები - მათ შორის მთავრობისა თუ პარლამენტის, პროფესიული შეფასების მოხალისე ორგანიზაციები (VOPEs), გაეროს სააგენტოები, დამოუკიდებელი შემფასებლები, აკადემიური წრისა თუ კერძო სექტორის,  ასევე განვითარების სექტორის წარმომადგენლები,

​

ვაღიარებთ, რომ ახალგაზრდა და დამწყები შემფასებლები აქტიურად მონაწილეობენ გლობალური შეფასების კულტურის დამკვიდრებაში და აძლიერებენ შეფასების ტრანსფორმაციულ ძალას, რათა ავაშენოთ მდგრადი, ინკლუზიური და სამართლიანი მსოფლიო, რომელიც ეფუძნება სოციალური სამართლიანობისა და თანასწორობის პრინციპებს;

​

ვიაზრებთ ჩვენს როლსა და პასუხისმგებლობას, რომ ხელი შევუწყოთ ახალგაზრდებისა და დამწყები შემფასებლების ჩართულობას როგორც თავად შეფასების პროცესში, ასევე შეფასების ადვოკატირებაში, რათა მხარი დავუჭიროთ მდგრადი განვითარების მიზნების მიღწევას;

​

ვალდებულებას ვიღებთ, რომ გავწევთ ძალისხმევას სტრატეგიული და შეთანხმებული მოქმედებისკენ ახალგაზრდა და დამწყები შემფასებლების პროფესიული უნარების განვითარებისთვის;

​

ვალდებულებას ვიღებთ, ხელი შევუწყოთ და გავაძლიეროთ ახალგაზრდების რეალური და აქტიური ჩართულობა შეფასებაში, ახალგაზრდების მრავალფეროვნების გათვალისწინებით, მათთან თანამშრომლობით შეფასების დიზაინის, განვითარების და გამოყენების პროცესებში. ეს მოიცავს ახალგაზრდებისა და დამწყები შემფასებლების ჩართვას შეფასების ყველა ეტაპზე, მათ შორის როგორც:

​

• რესპონდენტები, რათა ჰქონდეთ მონაცემთა შეგროვების პროცესში საკუთარი შეხედულებების გაზიარების შესაძლებლობა. ეს უკანასკნელი განსაკუთრებით მნიშვნელოვანია, რათა შეფასების მიგნებებში უკეთ იყოს გაჟღერებული ახალგაზრდების ხმა, რაც ხშირად არასაკმარისად არის წარმოდგენილი

• თანაშეფასებლები, რომლებიც შეფასებას ატარებენ შეფასების გუნდის გამოცდილ წევრებთან ერთად

• მრჩეველები — რომლებიც თავიანთი ხედვითა და ცოდნის გაზიარებით მონაწილეობენ და უფრო მრავალფეროვანს ხდიან შეფასების პროცესსა და შეფასების დოკუმენტს

• გადაწყვეტილების მიმღები პირები, რათა თანაუხელმძღვანელონ  შეფასების პროცესს როგორც შეფასების ექსპერტებთან, ისე შეფასების მენეჯერებთან ერთად

• შეფაების შედეგების გამოყენების მხარდამჭერნი​

​

ვაღიარებთ, რომ ახალგაზრდებისა და დამწყები შემფასებლების ჩართულობა შეფასებაში არის განგრძობითი პროცესი და არა ერთჯერადი მცდელობა, რომელიც საჭიროებს პროცესის გააზრებას და მიღებული გამოცდილების გამოყენებას ქმედებისა და ცვლილებისთვის.

​

ჩვენ/მე ვალდებულებას ვიღებთ ვიყოთ ახალგაზრდების მხარდამჭერები შეფასებაში!